§ 7-9. Fusk

(1) Studenten fuskar dersom hen på eksamen eller ein obligatorisk undervisingsaktivitet forsettleg eller grovt aktlaust bryt: a) reglane for gjennomføringa av aktiviteten eller eksamenen, og b) med akademiske forventingar. (2) Handlingar som openbart ikkje er eigna til å gi studenten nokon fordel skal ikkje reknast som fusk. (3) Reglane for gjennomføring, i første avsnitt, kan mellom anna vere: a) manglande tilvisingar b) fiktive tilvisingar c) å presentere tekst som eige arbeid, når ein ikkje sjølv har laga den d) ikkje tillate samarbeid, hjelparar eller hjelpemiddel (inkludert KI-verktøy), e) jukselappar og liknande, f) handlingar som verkar inn på sensor eller fagperson si sensurering eller vurdering g) fabrikkering eller forfalsking av data h) falsk oppmøteregistrering i) å skaffe seg tilgang til eksamensoppgåva før eksamenen startar j) andre brot på reglane for aktiviteten eller eksamenen.