§ 9-6. Grunngiving

(1) Studenten har rett til å få grunngiving for karakterfastsettinga jf. universitets- og høgskulelova § 11-8. Retten til grunngiving gjeld tilsvarande for klagesensur. (2) Fristen for å be om grunngiving for sensuren er éi veke etter kunngjeringa. Studenten skal få grunngiving innan to veker frå tidspunktet hen ba om grunngiving. Fakultetet kan avgjere om grunngivinga skal vere skriftleg eller munnleg, og vedta ordningar for dette. For eksamensformene nemnde i § 7-5 må studenten be om grunngiving straks hen har fått karakteren.