§ 32. Kvotefordeling

Den årlege fordelinga av midlane mellom dei ulike kunstnargruppene som er lista opp i andre ledd, blir fastsett av Kultur- og likestillingsdepartementet etter innstilling frå utvalet for Statens kunstnarstipend. Følgjande kunstnargrupper kan få tildelt stipendkvote etter første ledd: a) Andre kunstnargrupper b) Barne- og ungdomslitterære forfattarar c) Biletkunstnarar d) Dansekunstnarar e) Dramatikarar f) Faglitterære forfattarar og omsetjarar g) Filmkunstnarar h) Folkekunstnarar i) Fotografar j) Komponistar k) Kritikarar l) Kunsthandverkarar m) Musikarar, songarar og dirigentar n) Populærkomponistar o) Sceneinstruktørar p) Scenografar og kostymedesignarar q) Skjønlitterære forfattarar r) Skjønlitterære omsetjarar s) Skodespelarar og dukkespelarar.