§ 1-11. Fritak frå skriveopplæring i eitt av dei norske skriftspråka

Elevar er fritatt frå skriveopplæring i det skriftspråket dei har som sidemål, dersom dei i tillegg til å få opplæring etter ordinær læreplan i norsk oppfyller minst eitt av desse vilkåra: a) Dei får opplæring i samisk som første- eller andrespråk etter opplæringslova § 3-2. b) Dei får opplæring i kvensk eller finsk som andrespråk etter opplæringslova § 3-3. c) Dei får opplæring i norsk teiknspråk etter opplæringslova § 3-4. d) Dei får særskild språkopplæring etter opplæringslova § 3-6. Dei skal likevel få skriveopplæring i sidemålet sitt dersom dei ønskjer det.