§ 6-45. Vitnemål i vidaregåande opplæring

Vitnemål i vidaregåande opplæring skal givast som dokumentasjon på bestått opplæringsløp. Skolen kan utferde vitnemål med norsk og samisk tekst til elevar som har hatt opplæring i eller på samisk, og til dei som ber om det. For å få vitnemål må ein ha bestått alle nødvendige fag og eksamenar i samsvar med læreplanen skolen har fått godkjend etter privatskolelova § 2-3. Dette gjeld likevel ikkje for a) dei som er fritatt frå opplæring i eitt av dei norske skriftspråka etter § 4-6 b) dei om er fritatt frå opplæring i kroppsøving etter § 4-6 c) dei som er fritatt frå vurdering med karakter etter § 6-19 eller § 6-21 til § 6-23 d) dei som fell inn under dei særskilde reglane om dokumentasjon etter § 6-47 e) dei som har fått dispensasjon etter § 6-10 eller § 6-39.