§ 8-5. Lokal klagenemnd for fagskular i Vestland

(1) Fagskulen Vestland skal med heimel i fagskoleloven § 20 første ledd opprette ei lokal klagenemnd. Fagskulen kan samarbeide med andre fagskular om felles klagenemnd. (2) Den lokale klagenemnda skal som klageinstans behandle klager på fagskulen sine enkeltvedtak, for eksempel avgjersler om a) godskriving og fritak etter fagskoleloven § 8 b) opptak på grunnlag av realkompetanse eller spesielle opptakskrav etter fagskoleforskriften § 7 første og fjerde ledd c) formelle feil etter fagskoleloven § 23 d) tilrettelegging etter fagskoleloven § 15 femte ledd e) tap av rettar f) bortvising etter fagskoleloven § 43 g) permisjon etter fagskoleloven §§ 28 og 28a. (3) Når den lokale klagenemnda behandlar klager på fagskulen sine enkeltvedtak, kan klagenemnda sine vedtak ikkje påklagast, jf. fagskoleloven § 20 fjerde ledd. (4) Den lokale klagenemnda skal som underinstans behandle følgande saker: a) annullering etter fagskoleloven § 24 b) bortvising og utestenging etter fagskoleloven § 25 c) skikkaheit etter fagskoleloven § 26 d) politiattest etter fagskoleloven § 27 e) utestenging etter fagskoleloven § 43 f) inndraging og karantenetid etter fagskoleloven § 16 a. Vedtak i saker etter fagskoleloven §§ 16 a og 25–27 skal treffast med minst to tredels fleirtal. (5) Når den lokale klagenemnda behandlar saker etter fjerde ledd, kan klagenemnda sine vedtak påklagast til Nasjonal klagenemnd for høyere yrkesfaglig utdanning, jf. fagskoleloven § 20 siste ledd. Den nasjonale klagenemnda behandlar også klager over enkeltvedtak treft med heimel i fagskoleloven § 16 om opptak gjennom Samordna opptak. Den nasjonale klagenemnda sine vedtak kan ikkje påklagast, jf. fagskoleforskriften § 45 siste ledd.