§ 9-48. Fag- og sveinebrev og praksisbrev i vidaregåande opplæring

Fag- og sveinebrev skal givast som dokumentasjon på bestått fag- og sveineprøve i vidaregåande opplæring. Praksisbrev skal givast som dokumentasjon på bestått praksisbrevprøve. Det er berre dei som har bestått alle relevante fag og eksamenar, som kan få fag- og sveinebrev og praksisbrev. Dette kravet gjeld likevel ikkje for a) dei som er fritatt frå opplæring i eitt av dei norske skriftspråka etter § 5-9 b) dei som er fritatt frå opplæring i kroppsøving etter § 5-10 c) dei som er fritatt frå vurdering med karakter etter § 9-19 eller § 9-21 til § 9-23 d) dei som fell inn under dei særskilde reglane om dokumentasjon etter § 9-49 e) dei som har fått dispensasjon etter § 9-10 og § 9-40 f) dei som har bestått språkfag i svensk eller dansk som kan sidestillast med kravet til norsk. Praksiskandidatar og kandidatar for fagbrev på jobb treng ikkje fellesfag for å få utferda fag- eller sveinebrev.